Pages

Tuesday, March 27, 2012

വരൂ, നമുക്കീ ഉമ്മയെ പരിചയപ്പെടാം..



ഭര്‍ത്താവിന്‍റെ  അകാല വിയോഗം സൃഷ്ട്ടിച്ച  ഏകാന്തതയും ദുഃഖവും മറികടക്കാന്‍ വരയുടെ ലോകത്തേക്കെത്തിയ ഒരു പാവം ഉമ്മയെ കുറിച്ചാണിത്.ചിത്രകല ശാസ്ത്രീയമായി അഭ്യസിച്ചിട്ടില്ലാത്ത, ചായക്കൂട്ടുകള്‍ തയ്യാറാക്കുന്നത് നേരിട്ട് കാണാത്ത ഈ വീട്ടമ്മ  തന്‍റേതായ  ശൈലിയിലാണ് ഓരോ ചിത്രങ്ങളും തീര്‍ക്കുന്നത്.  നാലു പതിറ്റാണ്ട് മുമ്പ്  ഭര്‍ത്താവിന്‍റെ മരണത്തെ തുടര്‍ന്ന് ചിത്രരചനയിലേക്ക് തിരിഞ്ഞ അറുപത്തിനാലുകാരിയായ വീട്ടമ്മ പ്രകൃതിയുടെ നിറച്ചാര്‍ത്ത് വരകളിലൂടെയും വര്‍ണങ്ങളിലൂടെയും ക്യാന്‍വാസിലേക്ക്  ആവാഹിക്കുകയായിരുന്നു ..

സമൂഹത്തില്‍നിന്ന് ഒഴിഞ്ഞുമാറി മനസ്സിലെ വികാരവിചാരങ്ങള്‍ ക്യാന്‍വാസിലേക്ക് പകര്‍ത്തുകയാണ്   തിരൂരിന്‍റെ  ചിത്രകാരി കൈനിക്കര ജമീല മമ്മിഹാജി. ഇവര്‍ ക്യാന്‍വാസില്‍ പകര്‍ത്തിയ ആ ചിത്രങ്ങളെ പോലെ തന്നെ പ്രധാനമാണ് ചിത്രകാരിയുടെ മനസ്സും. നാലു പതിറ്റാണ്ടായി ആരും അറിയാതെ സ്വന്തം ആഹ്ലാദത്തിനുവേണ്ടി മാത്രം വരച്ച ചിത്രങ്ങളാണത്.  പ്രകൃതിയുടെ  അസാധാരണമായ ഭാവങ്ങള്‍, പൂക്കള്‍, മേഘങ്ങള്‍ ...!

1946 ഓഗസ്റ്റ് 10 നു പള്ളികലങ്ങത്തു ഹമീദ്ന്റെയും സുഹറാബിയുടെയും    മകളായി കണ്ണൂരിലായിരുന്നു ജനനം.പതിനെട്ടാം വയസില്‍ വിവാഹം.ഭര്‍ത്താവ് വ്യവസായ പ്രമുഖനായിരുന്ന തിരൂര്‍ കൈനികര മമ്മിഹാജി . രണ്ടു മക്കള്‍ ആഷിക്കും റോഷ്ണിയും. ചിത്രകലയില്‍ ഔപചാരിക പരിശീലനമൊന്നും ലഭിച്ചിട്ടില്ലെങ്കിലും സ്വതസിദ്ധമായ നൈപുണ്യം വിളംബരം ചെയ്യുന്നതാണ് അവരുടെ ചിത്രങ്ങള്‍..,
 ഭര്‍ത്താവ്  52ാം വയസ്സില്‍ മരിച്ചു. പ്രത്യാശകള്‍ നിലച്ചുപോയ ജീവിതത്തില്‍ സ്വന്തം ആഹ്ലാദത്തിനുവേണ്ടി മാത്രമാണ് ജമീല ചിത്രങ്ങള്‍ വരച്ചത്.

അവര്‍ക്ക് 28 വയസ്സായപ്പോഴാണ് ഭര്‍ത്താവ് മരണപ്പെട്ടത്.പിന്നീട് തറവാടിലെ ഏകാന്തതകളില്‍ അവര്‍ക്ക് കൂട്ടായി വന്നത് വര്‍ണ്ണങ്ങളായിരുന്നു.സ്വപ്നങ്ങളില്‍  തെളിഞ്ഞു വരുന്ന പ്രപഞ്ചനാഥന്‍റെ കരസ്പര്‍ശമേറ്റ  പ്രകൃതി ദൃശ്യങ്ങളെ അവര്‍ വര്‍ണങ്ങളില്‍ പകര്‍ത്തി .ജലച്ചായത്തിലും എണ്ണച്ചായത്തിലും അക്ക്രിലിക്കിലും പിറന്നു വീണ ആ ചിത്രങ്ങളെല്ലാം കൈനിക്കര തറവാടിലെ അകത്തളങ്ങളില്‍ മങ്ങിയ വെളിച്ചത്തില്‍ വിശ്രമിച്ചു.വിരുന്നെത്തുന്ന ബന്ധുക്കളും മറ്റും ഇലചാര്‍ത്തും മരങ്ങളും വെളിച്ചവും തെളിനീരും ഇടകലരുന്ന ആ ചിത്രങ്ങള്‍ കണ്ട് അമ്പരന്നു. 

ഏകാന്ത നിമിഷങ്ങള്‍ തന്‍റെ  സര്‍ഗ്ഗാത്മകതയെ തൊട്ടു വിളിക്കും. കൈയെത്തും ദൂരത്തു ഓയില്‍ പെയ്ന്റ്റും നേര്‍ത്ത ബ്രഷും ഉണ്ടെങ്കില്‍ പിന്നെ ഒഴിവു വേളകളിലെ ആലസ്യം ചിത്രമായി മാറും.ചിത്ര ലോകത്തെ പ്രൊഫഷണലുകളെ വെല്ലുന്ന മികവാണ് വേഴാമ്പല്‍ വീട്ടില്‍ ജമീല മമ്മി ഹാജി എന്നാ വീട്ടമ്മ നിര്‍വഹിക്കുന്നത്.പ്രകൃതിയുടെ വൈവിധ്യങ്ങളെ നിറം പിടിപ്പിക്കുന്ന രചനകളില്‍ ഒന്ന് പോലും നോക്കി വരച്ചതോ സ്കെച്ചില്‍ പകര്‍ത്തിയതോ അല്ല എന്നത് ഈ കലാകാരിക്ക് മാത്രം സ്വന്തം. 
          
വരച്ചു കൂട്ടിയ ആയിരം ചിത്രങ്ങള്‍ ലോകം കണ്ടില്ല . ഓരോ ചിത്രങ്ങളും സമ്മാനങ്ങള്‍ ആയി  വീട്ടില്‍ വരുന്ന അതിഥികള്‍ക്കും സുഹൃത്തുക്കള്‍ക്കും സമ്മാനിച്ചു. മികച്ച ചിത്രങ്ങള്‍ കണ്ട് പലരും സൃഷ്ടികള്‍ക്ക് വിലയിട്ടെങ്കിലും ഒന്ന് പോലുംവില്‍ക്കാന്‍ ഇവര്‍ തയ്യാറായില്ല .അത്രയ്ക്ക് ആവശ്യമുള്ളവര്‍ക്ക് പാരിതോഷികമായി സൗജന്യമായി തന്നെ നല്‍കും. കാലങ്ങളായി താന്‍ വരച്ചു കൂട്ടിയ ചിത്രങ്ങള്‍ സമൂഹത്തില്‍ പ്രദര്‍ശിപ്പിക്കണമെന്നു കുടുംബക്കാര്‍ക്കയിരുന്നു താത്പര്യം.വീട്ടുകാരും സുഹൃത്തുക്കളും ഒരുപാട് നിര്‍ബന്ധിച്ചെങ്കിലും കൂട്ടാകിയില്ല.അവസാനം കോഴിക്കോട് നന്മയുടെ പ്രവര്‍ത്തകരുടെയും കൂടി നിര്‍ബന്ധ പ്രകാരം സമ്മതം മൂളി .ആദ്യ ചിത്ര പ്രദര്‍ശനം കാലിക്കറ്റ്‌ പ്രസ്‌ ക്ലബ്ബില്‍ ഫെബ്രുവരി 2011 ആയിരുന്നു . ചിത്ര പ്രദര്‍ശനം ഉത്ഘാടനം ചെയ്തത് ADGP മഹേഷ്‌ കുമാര്‍ സിന്ഗ്ല . 

ഭര്‍തൃ വിയോഗത്തിന്‍റെ  ഏകാന്തതയില്‍ ജമീല ബീഗം വരച്ചു കൂട്ടിയ ചിത്രങ്ങള്‍ ആദ്യമായി പുറം ലോകത്ത് എത്തിയപ്പോള്‍ ആസ്വാദകരുടെ മുഖത്ത് അമ്പരപ്പ്.ജീവിതത്തിന്‍റെ  സായാന്തനത്തിലേക്ക് കാലൂന്നുന്ന അറുപത്തിയഞ്ചുകാരിയായ  ജമീല ബീഗം വരച്ചു കൂട്ടിയ ചിത്രങ്ങള്‍ പ്രകൃതി ദൃശ്യങ്ങളിലെ വര്‍ണവിസ്മയം ചിത്ര പ്രദര്‍ശനം കാണാന്‍ എത്തിയവരെ അത്ഭുതപെടുത്തി. ഗുരുവിനു കീഴില്‍ വര്‍ഷങ്ങള്‍ പരിശീലനം നേടിയ കലാകാരന്മാരുടെ സൂക്ഷ്മതയും ചാരുതയുമുള്ള പ്രകൃതി ദൃശ്യങ്ങള്‍ക്ക് ജന്മം നല്‍കിയ വീട്ടമ്മയെ കണ്ട് ചിത്രം ലോകം അത്ഭുതപ്പെട്ടു.അവരുടെ വിരല്‍ തുമ്പില്‍ നിന്ന് വാര്‍ന്നു വീണതാണ് ഈ ചിത്രങ്ങള്‍ എന്ന് വിശ്വസിക്കാന്‍ ആസ്വാദകര്‍ പ്രയാസപെടുകയായിരുന്നു.

പിന്നീട് ചിത്ര പ്രദര്‍ശനം തിരൂര്‍ തുഞ്ചന്‍ പറമ്പില്‍ ഏപ്രില്‍ 2011 നു. തിരൂര്‍ തുഞ്ചന്‍ പറമ്പില്‍ ചിത്ര പ്രദര്‍ശനം കാണികള്‍ക്കായി സമര്‍പ്പിച്ചത്  പ്രശസ്ത സിനിമ നടി മമത മോഹന്‍ദാസ്‌ ആയിരുന്നു  അങ്ങിനെ തന്‍റെ   അറുപത്തി അഞ്ചാം  വയസില്‍ കേരളം  ആ ചിത്രകാരിയെ അടുത്തറിഞ്ഞു..

മനസിനെ ക്യാന്‍വാസില്‍  ചാലിച്ച ഈ ചിത്രകാരിയെ കാണാന്‍ ,ചിത്രങ്ങള്‍ കാണാന്‍ ,അടുത്തറിയാന്‍ ഒരു സുവര്‍ണ്ണാവസരം . തന്‍റെ അടുത്ത ചിത്ര പ്രദര്‍ശനം ഒരുക്കിയിരിക്കുന്നത് എറണാകുളം ദര്‍ബാര്‍ ഹാളില്‍  ഏപ്രില്‍ 11,12,13,14,15 (2012) തിയതികളില്‍ . ഉത്ഘാടനം ചെയുന്നത് നമ്മുടെ പ്രിയ നടന്‍ മോഹന്‍ലാല്‍ ആണ് .പ്രവേശനം സൗജന്യമായിരിക്കും. 


(ഇനി നമുക്ക് ആ ഉമ്മ വരച്ച ചിത്രങ്ങള്‍ കാണാം ..)








   


Wednesday, March 7, 2012

25.ഖത്തറിലെ അഞ്ചു തലയുള്ള സര്‍പ്പത്തെ കാണാന്‍ ഒരു യാത്ര ..



ദോഹ മൃഗശാലയില്‍ അഞ്ചു തലയുള്ള ഒരു  സര്‍പ്പം ഉണ്ടത്രേ ? ഖത്തറില്‍ എത്തിയത് മുതല്‍ കാണാന്‍ കൊതിച്ച ഒരിടം അതായിരുന്നു "ദോഹ മൃഗശാല". 42 ഏക്കറില്‍ പടര്‍ന്നു പന്തലിച്ച വിശാലമായ പച്ച പുതച്ച ഒരു കൊടും കാട്. മനസിനും ശരീരത്തിനും കുളിരുമാത്രം പകര്‍ന്ന ഗ്രാമീണ ജീവിതത്തില്‍ നിന്നും ഒളിച്ചോടിയ പ്രവാസിക്ക് അറബി കടലിന്റെ തീരത്ത് ഖത്തര്‍ ഒരുക്കി വെച്ച ഒരു കൊച്ചു സമ്മാനം.ചുട്ടു പൊള്ളുന്ന ഈ മരുഭൂമിയില്‍ നട്ടു പിടിപിച്ച ഈ വിശാലമായ പച്ചപ്പ്‌ നിങ്ങള്‍ അനുഭവിച്ചറിഞ്ഞില്ല എങ്കില്‍ അത് ഒരു തീരാ നഷ്ട്ടം തന്നെ ആയിരിക്കും.  


ഖത്തറിലെ ഒരേ ഒരു മൃഗശാല അതാണ് DOHA ZOO.ദോഹയില്‍ നിന്നും ഏകദേശം 20 KM  അകലെ സല്‍വ റോഡിലാണ് മൃഗശാല സ്തിഥി ചെയ്യുന്നത്.ഫുറോസിയ സ്ട്രീറ്റില്‍ എത്തുബോഴേക്കും റോഡരികുകളെല്ലാം മനോഹരമായ പൂന്തോട്ടങ്ങൾ നിർമ്മിച്ച് അൽങ്കരിച്ചിരിക്കുന്നു കൂടാതെ വലതു വശത്തായി മൃഗങ്ങളുടെ ചിത്രങ്ങള്‍ പകര്‍ത്തിയ കൂറ്റന്‍ മതിലുകള്‍ കാണാം. കുറച്ചു ദൂരം കൂടി യാത്ര ചെയ്‌താല്‍ മൃഗശാലയുടെ വലിയ ഗൈറ്റിനു മുന്നില്‍ നമുക്ക് എത്താം. ആവിടെയാണ് ടിക്കറ്റ്‌ കൌണ്ടര്‍. ഞങ്ങള്‍ എത്തുമ്പോള്‍ ഒരു വലിയ ക്യു തന്നെ ഉണ്ടായിരുന്നു. ഒരാള്‍ക്ക് അഞ്ചു റിയാല്‍ ആണ് പ്രവേശന ഫീസ്‌. ടിക്കറ്റെടുത്ത് ഞങ്ങള്‍ ആവേശത്തോടെ മൃഗശാലയുടെ കൂറ്റന്‍ ഗൈറ്റ്‌ കടന്നു ഉള്ളില്‍ എത്തി.


Doha Zoo - Entrance









ഇവിടം സന്ദര്‍ശികുന്നതിന് മുന്നേ ഒരു കാര്യം പ്രതേകം ശ്രദ്ധിക്കുക. വ്യാഴം ,വെള്ളി ,ശനി എന്നീ ദിവസങ്ങളില്‍ ഫാമിലിക്ക് മാത്രമാണ് പ്രവേശനം. ചൊവ്വാഴ്ച സ്ത്രീകള്‍ക്ക് മാത്രമേ സന്ദര്‍ശനം അനുവദിക്കുകയുള്ളൂ. സാധാരണ ദിവസങ്ങളില്‍ രാവിലെ  9 AM മുതല്‍ വൈകീട്ട് 6 .30 PM വരെയാണ് സന്ദര്‍ശന സമയം. വെള്ളിയാഴ്ച ഉച്ചക്ക് 1 .30 PM മുതല്‍ വൈകീട്ട് 6 .30 PM വരെയും. എന്നിരുന്നാലും അധികൃധര്‍ പലപ്പോഴായി സമയത്തില്‍ ചെറിയ ചില മാറ്റങ്ങള്‍ വരുത്താറുണ്ട്.  ഫോണ്‍ നമ്പര്‍ 44 682610.

നോക്കെത്താ ദൂരം വരെയുള്ള  പുല്‍ തകിടും തജ്മഹല്‍ പുന്തോട്ടത്തിന്റെ മാതൃകയില്‍ പണിത പടര്‍ന്നു പന്തലിച്ച പൂന്തോട്ടവുമാണ് ഞങ്ങളെ മൃഗശാലയിലേക്ക് സ്വാഗതം ചെയ്യ്തത്‌ . ഗൈറ്റിനു തൊട്ടരികില്‍ തന്നെ യാത്രക്കാരെ കൊണ്ടു പോകാനായി മനോഹരമായ ഒരു കൊച്ചു ട്രെയിന്‍ റെഡി ആയിട്ടുണ്ട്‌. അഞ്ചു മിനിറ്റു കൂടുമ്പോള്‍ ട്രെയിന്‍ വീണ്ടും എത്തും. ഞങ്ങള്‍ അവിടെ എത്തുമ്പോഴേക്കും മുതിര്‍ന്നവരും കുട്ടികളും അടങ്ങിയ ഒരു യാത്ര സംഘം ആദ്യമേ അതില്‍ സീറ്റ്‌ ഉറപ്പിച്ചതിനാല്‍ ഞങ്ങള്‍ മൃഗശാല നടന്നു കാണാന്‍ തന്നെ തീരുമാനിച്ചു.

Qatar Zoo
Doha Zoo Garden
Doha Zoo Train
മൃഗശാല ചുറ്റികാണാന്‍ ദിശാ സൂചികകള്‍ ഞങ്ങള്‍ തിരഞ്ഞെങ്കിലും വ്യക്തമായി എവിടെയും ഉണ്ടായിരുന്നില്ല. വരുന്നവര്‍ എല്ലാം നടന്നു കാണട്ടെ എന്ന് പാവം അറബി കരുതി കാണും. ഏതു വശത്ത് നിന്ന് തുടങ്ങണം എന്നത് ഞങ്ങളെ ശരിക്കും കണ്‍ഫ്യൂഷന്‍ ആക്കി .എന്തൊക്കെയായാലും ഞങ്ങള്‍ ഇടതു വശം വഴി മൃഗ ശാല ചുറ്റി കാണാന്‍ തീരുമാനിച്ചു കാരണം ഇവിടെ എല്ലാം ഇടതു വശത്ത് നിന്നാണല്ലോ തുടങ്ങുന്നത് !!!

രണ്ടടി നടന്നപ്പോള്‍ ഒരു വലിയ ഗര്‍ജനം കേട്ടു. എല്ലാവരും അങ്ങോട്ട്‌ ഓടുന്നുണ്ടായിരുന്നു. ഞങ്ങളും കുതിച്ചു പാഞ്ഞു . ഒരു വലിയ ജനകൂട്ടം തന്നെ അവിടെ ഉണ്ടായിരുന്നു. ഞങ്ങളും തിക്കി തിരക്കി അങ്ങോട്ടെത്തി .ഒരു വലിയ വരയന്‍ കടുവ. കാണികളുടെ ശബ്ദ കോലാഹലം കേട്ടു മയക്കത്തില്‍ നിന്നും ഉണര്‍ന്ന കടുവ അതിന്റെ ശൌര്യം തീര്‍ക്കുകയായിരുന്നു.ഇരുമ്പ് അഴികളില്‍ നിന്നും കുതിച്ചു ചാടുന്ന കടുവയുടെ നേരെ ക്യാമറ കണ്ണുകളില്‍ നിന്നും ഫ്ലാഷുകള്‍ തുരു തുരാ മിന്നി. പാവം കടുവ ഇരുമ്പ് അഴികളില്‍ കടിച്ചു അവന്‍ ദേഷ്യം തീര്‍ത്തു.

z
Doha Zoo
Doha Zoo
Doha Zoo
Doha Zoo

അല്‍പ്പം ദൂരം നടന്നാല്‍ നമുക്ക് ആനയെ കാണാം. പാവം ഒറ്റക്കാണ് നില്‍പ്പ്. മരുഭൂമിയിലെ ചൂട് അവനു അത്ര പിടിച്ചില്ല എന്ന് ഒറ്റ നോട്ടത്തില്‍ നിന്ന് 
തന്നെ മനസിലായി. കാണികളെ തുമ്പി കൈ ആട്ടി അവന്‍ എന്തൊക്കെയോ പറയാന്‍ ശ്രമിക്കുന്നുണ്ടായിരുന്നു. വിശാലമായ കിടപ്പറ തന്നെയാണ് ആനയ്ക്ക് ഒരുക്കിയിരിക്കുന്നത്. അവിടെ നിന്നും ചിമ്പാന്‍സി കളുടെയും സിംഹവാലന്‍ കുരങ്ങുകളുടെയും സാമ്രാജ്യത്തിലെക്കാണ് യാത്ര .കാണികളില്‍ ആരോ എറിഞ്ഞു കൊടുത്ത അപ്പിളിനായി കടി പിടി കൂടുന്ന കുരങ്ങുകളുടെ കുസൃതിത്തരം ആരെയും ഒന്ന് ചിരിപ്പിക്കുകയും  ചിന്തിപ്പിക്കുകയും ചെയ്യും . അതിനു തൊട്ടടുത്ത്‌ തന്നെ ഒരു ചെറിയ ഐസ് ക്രീം പാര്‍ലര്‍  ഉണ്ട് . ഐസ് ക്രീം നുണഞ്ഞു കൊണ്ടായിരുന്നു പിന്നീടുള്ള ഞങ്ങളുടെ യാത്ര.

തൊട്ടടുത്തായി തന്നെ മൃഗശാലയുടെ പ്രധാന ആകര്‍ഷണ കേന്ദ്രമായ പക്ഷികളുടെ കൊട്ടാരം. വളഞ്ഞു പുളഞ്ഞു കിടക്കുന്ന  വിശാലമായ   അരുവിയില്‍ നീന്തി  തുടിക്കുന്ന പക്ഷി കൂട്ടങ്ങള്‍ ആരുടേയും ശ്രദ്ധ ആകര്‍ഷിക്കും. വിവിധ വര്‍ണങ്ങളിലുള്ള കൊക്കുകളും നീര്‍പക്ഷികളും ഇടകലര്‍ന്ന തൂവലുകളുള്ള ആഫ്രിക്കന്‍ പക്ഷികള്‍, നാട്ടു പിടിപ്പിച്ച മരങ്ങളില്‍ കല പില കൂട്ടുന്ന ദേശാടനകിളികള്‍ , അവരുടെ കൂടുകള്‍ എല്ലാം കാണികളുടെ മനം കവരും..ലക്സാണ്ട്രിയന്‍ തത്തകള്‍,നാട്ടുതത്ത,പൂന്തത്ത,കൃഷ്ണപരുന്ത്, ചക്കിപരുന്ത്,വ്യത്യസ്ത ഇനങ്ങളില്‍പെട്ട ലവ്ബേര്‍ഡ്സ്, ആഫ്രിക്കന്‍ തത്തകള്‍,മലമുഴക്കി വേഴാമ്പല്‍ എന്നിവയേയും കാണുവാന്‍ സാധിക്കും.
Doha Zoo




കുറച്ചു ദൂരം നടന്നാല്‍ മയിലുകളുടെ കൂടിനരികിലെത്താം .സാധാരണ മയിലുകള്‍ക്കൊപ്പം വിശ്രമിക്കുന്ന വെള്ളമയിലാണ് പ്രധാന ആകര്‍ഷണ കേന്ദ്രം. തൊട്ടരികില്‍ തന്നെ കുറച്ചു ആള്‍കൂട്ടം കണ്ടു ഞങ്ങളും അങ്ങോട്ട്‌ കുതിച്ചു . ദൈവത്തിനു സ്തുതി .. കഥകളിലും വാര്‍ത്തകളിലും വായിച്ചറിഞ്ഞ മയിലമ്മ മയില്‍ പീലി വിടര്‍ത്തി ആടുന്നു . ആകാശത്തെ മഴ മേഘങ്ങള്‍ ഇതൊന്നു കണ്ടിരുന്നെങ്കില്‍ എന്ന് എനിക്ക് ചെറിയ പരിഭവം തോന്നി .കുട്ടികാലത്ത് പുസ്തക താളുകളില്‍ ഒളിപ്പിച്ച മയില്‍പീലികള്‍ ഒന്ന് മിന്നി മറഞ്ഞു. ജീവിതത്തിലെ സ്വപ്ന സാഫല്യം പോലെ മയിലമ്മയെ ദര്‍ശിച്ചു. പക്ഷി കാഴ്ചകള്‍ ഇവിടെ അവസാനിക്കുകയാണ്.  










ഇത്തിരി ദൂരം പിന്നിട്ടാല്‍ നമുക്ക് സ്നൈക് പാര്‍ക്കില്‍ എത്താം. ഒരു ഗുഹയുടെ മാതൃകയിലാണ് ഇത് സജീകരിചിരിക്കുന്നത്. വളഞ്ഞു പുളഞ്ഞു കിടക്കുന്ന നീളന്‍ ഗുഹ. ഇത്തിരി വെട്ടം മാത്രംമാണ് ഗുഹകുള്ളില്‍. ഗുഹകുള്ളില്‍ ഇരുവശങ്ങളിലായി വിഷ പാമ്പുകളും സര്‍പ്പങ്ങളും. രാജവെമ്പാല മുതല്‍ നീര്‍ക്കോലി വരെയുള്ള 150ല്‍പ്പരം പാമ്പുകളുടെ വകഭേദങ്ങള്‍ അവിടുണ്ട്. ഖത്തറില്‍ എത്തിയത് മുതല്‍ പലരും ചോദിച്ച ചോദ്യം ഞങ്ങള്‍ പരസ്പരം ചോദിച്ചു. അഞ്ചു തലയുള്ള സര്‍പ്പം നമ്മള്‍ ഇത് വരെ കണ്ടില്ലല്ലോ ആ സര്‍പ്പം എവിടെയാണ്..? ഗുഹകുള്ളില്‍ മൊത്തം പരതിയെങ്കിലും ആ സര്‍പ്പത്തെ മാത്രം ഞങ്ങള്‍ കണ്ടില്ല... സുഹൃത്തുക്കളെ ഇനി നിങ്ങള്‍ ആരെങ്കിലും ഇവിടം സന്ദര്‍ശിക്കുമ്പോള്‍ ആ സര്‍പ്പത്തെ കണ്ടാല്‍ ഞങ്ങളെ അറിയിക്കണേ ...

മരുഭൂമിയെ മലര്‍വാടിയാക്കിയ ഖത്തറിനെ അടുത്തറിയാന്‍ പുതിയ യാത്രകള്‍ക്കായി അടുത്ത ഒഴിവുദിനം ഞങ്ങള്‍ കാത്തിരിക്കുന്നു .. വീണ്ടും വരാം പുതിയ വഴിയോര കാഴ്ചകളുമായി ..

സസ്നേഹം ആഷിക്..


Thursday, March 1, 2012

24.ഇതാണ് സുഹൃത്തേ ഞങ്ങളുടെ കൊച്ചു ഖത്തര്‍

ഖത്തറില്‍ എത്തിയിട്ട് ഇന്നേക്ക് ആറ് മാസം തികയുന്നു. നാട്ടില്‍ ആയിരുന്നപ്പോള്‍ ഓരോ മാസവും പുതിയ പുതിയ വഴിയോര കാഴ്ചകളുമായി ബ്ലോഗില്‍ ഞാന്‍ എത്തിയിരുന്നു. അന്ന് ഓരോ ഒഴിവുദിനങ്ങളും ഓരോ ഉല്‍സവങ്ങള്‍ പോലെ ആയിരുന്നു ആ ഓര്‍മ്മകള്‍ എല്ലാം കൂട്ടിവെച്ചു  ഓരോ പോസ്റ്റുകളായി പരിണമിച്ചു. പക്ഷെ ഇപ്പോള്‍  ഓരോ ഒഴിവുദിനങ്ങളിലും ഞങ്ങള്‍ ഖത്തറിലെ കാഴ്ചകള്‍ കാണാന്‍ പ്ലാന്‍ ചെയ്യാറുണ്ട് പക്ഷെ പല കാരണങ്ങളാല്‍  ഇന്ന് വരെ ഒന്നും നടന്നിട്ടില്ല  .ഒരു പ്രവാസിയുടെ ഒഴിവുദിനം എന്നാല്‍ "ബ്ലാന്കെറ്റ്" നുള്ളില്‍ ഉറങ്ങി തീര്‍ക്കുക" എന്നാ ദിനചര്യ ഞാനായിട്ട് തെറ്റിക്കാനും പോയില്ല .


 ഈ കൊച്ചു കാലയളവില്‍ ഖത്തറിനെ കുറിച്ച് ഞാന്‍ കേട്ടും കണ്ടും വായിച്ചും മനസിലാക്കിയ  കാര്യങ്ങള്‍ കുത്തി കുറിക്കാന്‍ ഒരു എളിയ ശ്രമം... 
QATAR




അറബി കടലോരത്തെ ഒരു മായിക ലോകം...അലാവുദീനും അത്ഭുതവിളക്കും പോലെ മരുഭൂമിയെ മലർവാടിയാക്കി മാറ്റിയ ഖത്തറിനു പറയാന്‍ ഒരായിരം കഥകള്‍ ഉണ്ട്. വിസ്തൃതിയിലും ജനസംഖ്യയിലും ലോകത്തെ ഏറ്റവും ചെറിയ രാഷ്ട്രങ്ങളുടെ പട്ടികയിലാണ് ഖത്തറിൻറെ സ്ഥാനം.എന്നാൽ വികസനത്തിൻറെയും പുരോഗതിയുടെയും കാര്യത്തിൽ മുൻപന്തിയിലുള്ള ഈ കൊച്ചുരാജ്യം വിവിധ രംഗങ്ങളിൽ ഇതിനകം ലോകത്തിന്റെ ശ്രദ്ധയാകർഷിച്ചുകഴിഞ്ഞു. പ്രമുഖ അമേരിക്കന്‍ ധനകാര്യമാസികയായ 'ഫോബ്‌സ്' തയ്യാറാക്കിയ, ലോകത്തെ സമ്പന്ന രാജ്യങ്ങളുടെ പട്ടികയില്‍ ഖത്തര്‍ ഒന്നാം സ്ഥാനത്ത്. ഉയര്‍ന്ന എണ്ണവിലയും വന്‍ പ്രകൃതിവാതക ശേഖരവുമാണ് വെറും 17 ലക്ഷം പേര്‍ വസിക്കുന്ന ഖത്തറിനെ എറ്റവും സമ്പന്നമായ രാജ്യമാക്കിയത്. 





ഖത്തറിലെ ഇന്ത്യക്കാരിൽ എഴുപത് ശതമാനത്തോളം ആളുകളും മലയാളികളാണ്. ഖത്തറിലെ ചെറുകിട കച്ചവട സ്ഥാപനങ്ങൾ ഭൂരിഭാഗവും നടത്തുന്നതും മലയാളികൾ തന്നെ. ഖത്തറികൾ വീടുകളിൽ ഡ്രൈവർമാരായി വെക്കാൻ താല്പര്യപ്പെടുന്നത് മലയാളികളെയായതിനാൽ ഇത്തരക്കാരിൽ 90 ശതമാനവും മലയാളികളാണ്. ഖത്തറിൽ ഏതു സ്ഥലത്തു പോയാലും മലയാളം അറിയുമെങ്കിൽ രക്ഷപ്പെടാം എന്ന് പറയാവുന്ന രീതിയിലാണ് ഇവിടുത്തെ മലയാളി സാന്നിധ്യം. 


ഖത്തര്‍ "സുല്‍ത്താന്‍" ആയ കഥ 


ബി സി ആറാം നൂറ്റാണ്ടിൽ തന്നെ ഖത്തറിൽ ജനവാസം ഉണ്ടായിരുന്നതായി കണ്ടെത്തിയിട്ടുണ്ടു. അൽ ഖോറിൽ നടത്തിയ ഉത്ഘനനത്തിൽ ഇക്കാലയളവിലെ മൺപാത്രങ്ങളും ആയുധങ്ങളും കണ്ടെത്തിയിട്ടുണ്ട്.അക്കാലയളവിൽ ബാർട്ടർ സമ്പ്രദായത്തിലൂടെ ജനങ്ങൾ ഇടപാടു നടത്തിയിരുന്നു.പ്രധാനമായുംമെസപ്പൊട്ടോമിയൻ ജനതയുമായി മത്സ്യം,മൺപാത്രങ്ങൾ എന്നിവയുടെ വ്യപാരമാണു നടന്നിരുന്നതു.


OLD QATAR


ഏഴാം നൂറ്റാണ്ടിൽ പ്രവാചകൻ മുഹമ്മദു നബി (സ) ആഗമനത്തിന്റെ ആദ്യ ഘട്ടത്തിൽ തന്നെ ഇസ്ലാം ഈ ഉപദ്വീപിൽ പ്രചരിച്ചു.എ ഡി 628 ൽ മുഹമ്മദ് നബിപല രാജാക്കന്മാർക്കും ഇസ്സലാമിന്റെ സന്ദേശം അയച്ച കൂട്ടത്തിൽ ബഹറൈൻ ഭരണാധികാരി മുൻദിർ ബിൻ സവാ അൽ ഥമീമിക്കും കത്തയച്ചു.അക്കാലത്തു കുവൈത്ത് ഖത്തർ ഇപ്പോൾ സൗദി അറേബ്യയുടെ ഭാഗമായ അൽ ഹസ്സഎന്നിവ ബഹറൈൻ ഭർണാധികാരത്തിനു കീഴിലായിരുന്നു.അദ്ദേഹം അതു സ്വീകരിക്കുകയും ഇസ്ലാമിലേക്ക് പരിവർത്തനം നടത്തുകയും ചെയ്തു.പിന്നീട് ഇസ്ലാമിക രഷ്ട്രത്തിന്റെ ഭാഗമായി എ ഡി 1913 വരെ നിലകൊണ്ടു.1913ൽ തുർക്കി ഖലീഫയുമായി ഖത്തർ ഭരണാധികാരി ഇടയുകയും പൂർണ്ണമായ സ്വയം ഭരണം ആരംഭിക്കുകയും ചെയ്തു.




എ ഡി 1635ൽ ബസറയിൽ ബ്രിട്ടീഷ് ഈസ്റ്റ് ഇന്ത്യാ കമ്പനി ഒരു ഫാക്റ്ററി ആരംഭിക്കുന്നതോടെയാണ് ബ്രിട്ടന്റെ ഇടപെടൽ മേഖലയിൽ വ്യാപിച്ചത്.പെട്രോളിയം പര്യവേക്ഷണത്തിനും മുത്തു ശേഖരണത്തിനുമായി അവർ തദ്ദേശീയരുമായി തന്ത്രപരമായ അടുപ്പം സ്ഥാപിച്ചു .എന്നിരുന്നാലും തുർക്കി സുൽത്താനും ആയുണ്ടാക്കിയ മാണ്ടേറ്ററി കരാർ പ്രകാരം 1916 വരെ നേരിട്ട് സൈനീക നീക്കം നടത്തിയിരുന്നില്ല.എ ഡി 1878 ഡിസംബർ 18നു ഷെയ്ഖ് ഖാസിം ബിൻ മുഹമ്മദ് അൽ ഥാനി തുർക്കി ഖലീഫയിൽ നിന്നും ഖത്തറിന്റെ ഉപ ഭരണാധികാരി എന്ന സ്ഥാനം നേടുകയും ബഹറൈൻ പ്രവിശ്യയിൽ നിന്നും വേർപ്പെടുത്തി ഒരു നാട്ടു രജ്യമാക്കി മാറ്റുകയും ചെയ്തു.1916 മുതൽ 1971 സെപ്റ്റംബർ വരെ ഖത്തർ പൂർണ്ണമായും ബ്രിട്ടീഷ് അധിപത്യത്തിനു കീഴിലായിരുന്നു.


എ ഡി 1971 സെപ്റ്റംബർ 3 നാണു ഖത്തർ സ്വതന്ത്ര്യം നേടുന്നത്.ഇന്ത്യ സ്വാതന്ത്ര്യം പ്രാപിച്ച ശേഷം കോളനികൾ ഓരോന്നായി സ്വാതന്ത്ര്യം പ്രഖ്യപിക്കാൻ തുടങ്ങിയതോടെ തിരിച്ചടി നേരിട്ട ബ്രിട്ടൻ ,പെട്രോളും പ്രകൃതി വിഭവങ്ങളും കൈവിടാൻ ഒരുക്കമല്ലാതെ 1971 വരെ ഖത്തറിനെ അധീനപ്പെടുത്തി.


പെട്രോൾ കണ്ടെത്തുന്നതിനു മുമ്പ് ഖത്തറിന്റെ പ്രധാന വരുമാനം മുത്ത് വ്യപാരത്തിലൂടെയായിരുന്നു.കടലിന്നടിയിലെ ഒരിനം കക്കയിൽ (ഓയിസ്റ്റർ) നിന്നുമാണു പ്രകൃതി ദത്തമായ മുത്തുകൾ ശേഖരിക്കുന്നത്.ഏപ്രിൽ മുതൽ സെപ്റ്റംബർ വരെയുള്ള ആറു മാസക്കാലമാണു മുത്തു വേട്ട നടത്തുക.അറബിയിൽ മുത്തിനു ലു ലു എന്നാണു പറയുക.മുത്തു വ്യാപാരം പ്രധാനമായും ഇറാനിൽ നിന്നും കുടിയേറിയ അൽ ഫർദാൻ കുടുംബമാണു നടത്തിയിരുന്നതു.ലോകത്ത് പ്രകൃതി ദത്ത മുത്തുകൾ ഏറ്റവുമധികം ലഭിക്കുന്നത് ഇവിടെയാണു.


ഇന്നത്തെ ഖത്തര്‍ 




ഭരണഘടനയുടെ അടിസ്ഥാനം ഖുർആനും , നബിചര്യയും ആയി അംഗീകരിച്ചിരിക്കുന്നു.അമീർ ആണു രാഷ്ട്രത്തലവനും ,ഭരണത്തലവനും.അദ്ദേഹത്തെ സഹായിക്കാൻ മന്ത്രി സഭയും പാർളമെന്റും(മജ് ലിസ് ശൂറ) ഉണ്ട്.ഇവ രണ്ടിലേയും അംഗങ്ങളെ അമീർ തന്നെ നാമനിർദ്ദേശം ചെയ്യുന്നു.അൽ ഥാനി കുടുംബത്തിനാണു പരമ്പരാഗതമായി ഭരണം.2003 ജൂലായ് 13 നു നടന്ന റഫറണ്ടത്തിലൂടെയാണു നിലവിലെ ഭരണഘടനക്കു അംഗീകാരം ലഭിച്ചത്. അമീർ തന്റെ മൂത്ത പുത്രനെ കിരീടാവകാശിയായി പ്രഖ്യാപിക്കുന്നു.അമീറിനു പുത്രന്മാരില്ലെങ്കിൽ അദ്ദേഹത്തിന്റെ ഏറ്റവും അടുത്ത രക്തബന്ധുവായ പുരുഷനെ കിരീടാവകാശിയായി പ്രഖ്യപിക്കുന്നു.അമീർ മരണപ്പെട്ടാൽ സ്വഭവികമായും കിരീടാവകാശി അടുത്ത അമീർ ആയി അധികാരമേൽക്കുന്നു.ഷെയ്ഖ് ഹമദ് ബിൻ ഖലീഫ അൽ ഥാനി ആണു ഇപ്പോഴ്ത്തെ അമീർ.അദ്ദേഹത്തിന്റെ ആദ്യ മൂന്ൻ ആണ്മക്കളും കിരീടാവകാശം വേണ്ടെന്നു വെച്ചതിനാൽ നാലാമത്തെ മകനായ ഷെയ്ഖ് തമീം ബിൻ ഹമദ് ബിൻ ഖലീഫ അൽ ഥാനി ആണു ഇപ്പോഴത്തെ കിരീടാവകാശിയും ഡെപ്യൂട്ടി അമീറും.


ഖത്തറിലെ കാണാകാഴ്ചകള്‍


മരുഭൂമിയെ മലർവാടിയാക്കി മാറ്റിയ കാഴ്ചയാണു ദോഹ അന്താരഷ്ട്ര വിമാനത്തവളത്തിൽ നിന്നും പുറത്തിറങ്ങുന്ന ഒരാൾക്ക് കാണാൻ കഴിയുക.റോഡരികുകളെല്ലാം മനോഹരമായ പൂന്തോട്ടങ്ങൾ നിർമ്മിച്ച് അൽങ്കരിച്ചിരിക്കുന്നു.കടുത്ത ചൂടിൽ നിന്നും ഇവയെ സംരക്ഷിക്കാൻ വലിയ അധ്വാനവും പണവുമാണു ചെലവഴിക്കുന്നത്.


1.ദോഹ മൃഗശാല ( ദോഹ zoo )


DOHA ZOO


42 ഏക്കർ വിസ്തൃതിയിലാണ് ദോഹ മൃഗശാല സ്ഥിതി ചെയ്യുന്നത്. ഇന്ത്യൻ വംശജരും വിദേശവംശകരുമായ ഏകദേശം 750 ഓളം ജീവജാതികൾ ഇവിടെയുണ്ട്. സിംഹവാലൻ കുരങ്ങ്, കരിംകുരങ്ങ്, വരയാട്, കണ്ടാമൃഗം, സിംഹം, കടുവ, വിവിധയിനം മാനുകൾ, സീബ്ര, കാട്ടുപോത്ത് തുടങ്ങിയ മൃഗങ്ങളും വിവിധയിനം പക്ഷികളും ഉരഗങ്ങളുമാണ് ഇവിടത്തെ അന്തേവാസികൾ.


2.അൽ കോർണീഷ്


CORNICHE


ദോഹ നഗരം മൂന്നുഭാഗവും കടലിനാൽ ചുറ്റപ്പെട്ട ഒരു മുനമ്പ് ആണു.ഇവിടുത്തെ എല്ലാ പ്രധാന സ്ഥാപനങ്ങളും സ്ഥിതിചെയ്യുന്നത് കടൽത്തീരത്താണു.ദോഹ കടൽ തീരം കോണീഷ് എന്നാണു അറിയപ്പെടുന്നതു.ഇത് ഒരു ഫ്രെഞ്ച് വാക്കാണു.മനോഹരമായ ഈതീരത്ത് സായാഹ്നം ചെലവഴിക്കുക എന്നത് ഒരു പ്രത്യേക അനുഭവമാണു.


3.അസ്പെയർ സോൺ


ASPIRE ZONE,QATAR




സ്വദേശികളും വിദേശികളുമായ കുടുംബങ്ങൾക്കു ഒന്നിച്ചിരുന്നു ഉല്ലസിക്കാനും,വിനോദങ്ങളിലും വ്യായാമത്തിലും ഏർപ്പെടാനുള്ള സ്ഥലം.വളരെ മനോഹരമായ പുൽത്തകിടികളും പൂന്തോട്ടവും കണ്ടാൽ ഊട്ടി ആണെന്നു തോന്നും.


4.വകറ ബീച്ച്


തെളിഞ്ഞ നീല ജലം ഉള്ള ഇവിടെ ആഴ്ചാവസാനത്തിൽ ഉല്ലസിക്കാനെത്തുന്നവർക്കായി എല്ലാ സൗകര്യങ്ങളും ഏർപ്പെടുത്തിയിട്ടുണ്ട്.കടലിൽ മുങ്ങിപ്പോകുന്നവരെ രക്ഷിക്കാൻ ജീവൻ രക്ഷാ ഗ്വാർഡുകളെ ഏർപ്പെടുത്തിയിട്ടുണ്ട്.അതി മനോഹരമാണു ഈ കടൽത്തീരം.


5.ഫുറൂസിയ


കുതിരപ്പന്തയം നടക്കുന്ന സ്ഥലം.ലോകത്തിലെ ഏറ്റ്വും കൂടുതൽ സമ്മാന ത്തുകയുള്ള കുതിരപ്പന്തയങ്ങളാണു ഇവിടെ നടത്താറുള്ളതു.മേൽത്തരം അറബിക്കുതിരകളുടെ ഒരു വൻ നിര തന്നെ ഇവിടെയുണ്ട്.കുതിരകൾക്കെല്ലാം അറബിപ്പേരാണെന്നതു മലയാളികൾക്കു കൗതുകമാണു.


6.എൻഡ്യൂറൻസ് വില്ലേജ്


സാഹസിക വിനോദങ്ങൾക്കു വേണ്ടിയുള്ള ഇവിടുത്തെ മരുഭൂമിയുടെ ഉള്ളറകളിലൂടെയുള്ള യാത്ര അതീവ രസകരവും കൗതുകം ജനിപ്പിക്കുന്നതുമാണു.മണൽക്കുന്നിൽ നിന്നും മണൽ കുന്നിലേക്ക് പ്രത്യേകം നിർമ്മിച്ച നാലു ചക്ര വഹനത്തിൽ യാത്ര ചെയ്യാൻ അതീവ ധൈര്യശാലികൾക്കു മാത്രമെ കഴിയുകയുള്ളു.ഇവിടെ ആഴ്ചകളോളം വന്ന് ടെന്റുകൾ കെട്ടി പർക്കുന്നത് അറബികളുടെ പതിവാണു.


7.പേൾ ഖത്തർ


ഖത്തറിലെ ഏറ്റവും വലിയ നിർമ്മാണ പ്രവർത്തനം.കടൽ നികത്തി കൃത്രിമമായി നിർമ്മിച്ച ഈ ദ്വീപ് പണി പൂർത്തിയായാൽ 41,000 പേർക്കു താമസിക്കനുള്ള സൗകര്യങ്ങൾക്കൊപ്പം വലിയ ഷോപ്പിംഗ് സെന്റരുകളും ഉൾക്കൊള്ളുന്നു.വ്യത്യസ്ത ശ്രേണിയിലുള്ള ജനങ്ങൾക്കായി വിവിധ തരം വില്ലകളാണു നിർമ്മാണം പൂർത്തീകരിച്ചു കൊണ്ടിരിക്കുന്നത്.32 കി.മി.കടൽത്തീരമാണു ഇതിനുവേണ്ടി ക്രിത്രിമമായി നിർമ്മിച്ചതു.ഓരോ വീട്ടിലേക്കും കടലിൽ നിന്നും കരയിൽ നിന്നും പ്രവേശനം ലഭിക്കുന്ന രീതിയിലാണു ഇതിന്റെ നിർമ്മാണം നടത്തിയിട്ടുള്ളതു.ഇറാനിൽ നിന്നും കുടിയേറിയ അൽ ഫർദാൻ കുടുംബമാണു ഇതിന്റെ ഉടമസ്തർ.മുത്തു വ്യാപാരത്തിലൂടെ അതി സമ്പന്നരായി മറിയ അവർ ഈ ക്രിത്രിമ ദ്വീപിനും മുത്ത് എന്നർത്ഥം വരുന്ന പേൾ എന്നു തന്നെ പേരു നൽകിയത് ഉചിതമായി


8.ഇസ്ലാമിക് ആർട്ട് മ്യൂസിയം


ഇസ്ലാമിക കലകളുടെയും ,ചിത്രങ്ങളുടെയും അതുല്യമായ ഒരു ശേഖരണമാണു ഫ്രെഞ്ച് - ഇസ്ലാമിക് നിർമ്മാണ രീതിയിൽ ഉണ്ടാക്കിയ ഈ മ്യൂസിയത്തിൽ ഒരുക്കിയിട്ടുള്ളതു.ഇന്ത്യ,ഇറാഖ്,ഇറാൻ,തുർക്കി,റഷ്യ,ചൈന തുട്ങ്ങിയ നാടുകളിൽ നിന്നുള്ള വസ്തുക്കളുടെ അപൂർവാ ശേഖരം തന്നെ ഇവിടെ ഒരുക്കിയിട്ടുണ്ട്.


9.ഖത്തർ മ്യുസിയം


ഖത്തരിന്റെ പൗരാണിക വസ്തുക്കളുടെ ശേഖരണമാണു ഇവിടെ ഒരുക്കിയിട്ടുള്ളത്. ഗൃഹോപകരണങ്ങൾ മുതൽ സൈനിക ഉപകരണങ്ങൾ വരെ ഇവിടെ കാണാം.